माओवादीको किल्ला खोस्यो काङ्ग्रेसले
नेकपा (माओवादी केन्द्र) को प्रभावक्षेत्र मानिने रोल्पाको गंगादेव गाउँपालिका अध्यक्ष तथा उपाध्यक्षमा नेपाली कांग्रेस विजयी भएको छ।
अध्यक्षमा जिल्ला उपसभापति हरिबहादुर पुन निर्वाचित भएका छन् ।
उनीसित नेकपा (एमाले) का उम्मेदवार रोशनकुमार वली र ‘माओवादी–समाजवादी’ गठबन्धनका साझा उम्मेदवार बीरबहादुर केसी (भिउदे) पराजित भएका हुन्।
गाउँपालिकाको ७ मध्ये ५ वटा वडामा कांग्रेसले जित निकालेको छ भने एमाले–माओवादीले एक एक वडामा चित्त बुझाएका छन् ।
अघिल्लो स्थानीय निर्वाचनमा यस गाउँपालिकामा माओवादीको तर्फबाट उनै बीरबहादुरले बहुमत वडासहित विजय हासिल गरेका थिए । तर यसपटक भने उनी मत संख्यामा निकै मुनि झरेर पराजित भएका हुन्।
ट्रेन्डिङ पोस्ट
टिप्पणीहरू