एमालेमा कोरोना भसक्कै, अध्यक्ष ओली पनि संक्रमित

नेकपा एमालेका अध्यक्ष केपी शर्मा ओलीलाई कोरोना संक्रमण भएको छ।

हिजो गरिएको पीसीआर परीक्षणमा उहाँलाई कोरोना पोजेटिभ देखिएको हो । ओली पत्नी राधिका शाक्यलाई पनि संक्रमण देखिएको छ ।

कोरोना लागेपछि ओली बालकोटस्थित आफ्नै निवासमा स्वास्थ्यलाभ गरिरहनु भएको छ ।

ओलीलाई कोरोना संक्रमण देखिएसँगै आजका लागि तय भएको पत्रकार सम्मेलन पनि स्थगित गरिएको छ ।

यसअघि उपाध्यक्ष विष्णु पौडेल, महासचिव शंकर पोखर र उपमहासचिव पृथ्वी सुब्बा गुरुङलाई पनि कोरोना संक्रमण देखिएको छ ।