‘बा’ पार्टीका महासचिवले एमालेमा भित्र्याएका गुण्डा नाइके समातिए

‘बा’ पार्टीका महासचिव शंकर पोखरेलले एमालेमा प्रवेश गराएका दङ्गाली गुण्डा नाइके विकास पुन काठमाडौँमा समातिएका छन् । गुण्डा नाइकेका रुपमा प्रख्यात उनलाई ठगीको आरोपमा प्रहरीले समातेको हो ।

५० लाख रुपैयाँ ठगी गरेको आरोपमा पुनलाई प्रहरीले आज पक्राउ गरेको हो । उनीविरुद्ध खोलाजन्य पदार्थको काममा ५० लाख ठगी गरेको भन्दै कपिलवस्तुका तिलक थापाले प्रहरीमा उजुरी गरेको बताइएको छ ।

पटक-पटक ज्यान मार्ने उद्योगमा पक्राउ पर्दै छुट्दै आएका पुन एकताका प्रहरी इन्काउन्टरमा मारिएका चर्चित गुण्डा नाइके कुमार घैंटेनिकट मानिन्थे । उनलाई गत स्थानीय चुनावका बेला महासचिव पोखरेलले नै दलबलसहित एमालेमा प्रवेश गराएका थिए ।