इजरायलमा पनि ल्होसार मनाइने

नेपाली धर्म, भाषा, भेषभुषा, लिपी, कला, साहित्य, संस्कार, संस्कृति,चाडपर्वलाई संरक्षण गर्ने उदेश्यसहित नेपाल तामाङ घेदुङ, इजरायलले सोनाम ल्होसारको अवसरमा विभिन्न कार्यक्रमको आयोजना गर्ने भएको छ ।

इजरायलमा रहेका राष्ट्रिय ख्यातिप्राप्त स्थानीय कलाकारहरुको मनोरञ्जनात्मक प्रस्तुतिका साथ प्रत्यक्ष नाचगान, संगीत, मित्रता भेटघाटसहित कार्यक्रम गर्न लागिएको हो ।

विगतमा झैं यो वर्ष पनि मञ्जुश्री सम्बत २८५८ तग/च्यान ल्हामा परम्परागत ढंगले पूजपाठ गर्ने बताइएको छ । कार्यक्रम फ्रेबुअरी ११ का दिन साँझ छ बजेदेखि शुरु हुने जानकारी आयोजकले दिएको छ ।

कार्यक्रम राजधानी तेल अविवको याद्खारुचिम १५ इभीइ हलमा हुने उल्लेख छ ।