अपमानबीच एक बर्दिधारी आत्महत्यातर्फ अग्रसर
एउटै ब्याचका अफिसरहरु कोही आइजी हुने,कोहि तल्तिरैबाट घर जाने अपमानजनक अवस्थासङ्ग जुझ्दै गरेका प्रहरी वरिष्ठ उपरीक्षक (एसएसपी) सुशीलकुमार यादवले आज मृत्युको बाटो रोजेका छन् । सँघीय प्रहरी कार्यालय (पुरानो अञ्चल प्रहरी) भैरहवास्थित आफ्नै क्वार्टरमा उनी झुण्डिएको अवस्थामा मृत भेटिएका हुन् ।
यादव सँधै हँसिलो र सहयोगी भावनामा रहने गरेको तर पछिल्लो बढुवाको सूचीमा छुटाइएपछि निराश देखिँदै आएको सहकर्मीहरु बताउँछन् । प्रहरी प्रधान कार्यालयको एक वर्षअघिको बढुवा सूचीबाट उनको नाम छुटाइएको थियो ।
उनी एआईजी विश्वराज पोखरेल र सहकुल थापालगायतको ब्याचमेट समेत हुन् । उनका कतिपय ब्याची यसबीच बढुवा भएर माथिल्लो तहमा पुगेका छन् भने कतिपय अवकाशसमेत हुन थालेपछि यादवको व्यवहार फरक देखिँदै आएको प्रहरीका उच्च अधिकृतहरुको बुझाइ छ ।
“यादव नवलपरासी निवासी र पूर्व प्रहरी महानिरीक्षक ध्रुवबहादुर प्रधानका भाञ्जा हुन् । यादवकी आमा प्रधानकी आफ्नै दिदी हुन् । सर्वोच्च अदालतकी न्यायाधीश सपना प्रधान मल्ल यादवकी सानिमा हुनुहुन्छ ।”
उनीहरुको ब्याचका विक्रम चन्द, शेखर कोइराला,नरबहादुर केसी, सुदीप राजभण्डारीलगायतले यसवीच अवकाश पाइसकेका छन् । यीमध्येका राजभण्डारी बढुवा भएको दुई दिनपछि अवकाश पाएर घर गएका हुन् । अबको केही दिनमै हरिराज वाग्लेले पनि अवकाश पाउँदै छन् ।
यादव अवकाश हुन अझै डेढ वर्ष बाँकी थियो । प्रहरी प्रशासनले उपलब्ध गराएको विवरणअनुसार उनी उमेरको आधारमा अवकाश पाउने लाइनमा थिए ।
“उनीहरुको ब्याचका विक्रम चन्द, शेखर कोइराला,नरबहादुर केसी, सुदीप राजभण्डारीलगायतले यसवीच अवकाश पाइसकेका छन् । यीमध्येका राजभण्डारी बढुवा भएको दुई दिनपछि अवकाश पाएर घर गएका हुन् । अबको केही दिनमै हरिराज वाग्लेले पनि अवकाश पाउँदै छन् ।”
यादव नवलपरासी निवासी र पूर्व प्रहरी महानिरीक्षक ध्रुवबहादुर प्रधानका भाञ्जा हुन् । यादवकी आमा प्रधानकी आफ्नै दिदी हुन् । सर्वोच्च अदालतकी न्यायाधीश सपना प्रधान मल्ल यादवकी सानिमा हुनुहुन्छ ।
यादवले आत्महत्या गर्नुअघि कुनै सुसाइड नोट वा अन्य विवरण लेखेर छाडेको पाइएको छैन । प्रहरी मुख्यालयले निकै भद्र उच्च अधिकृतले पासो लगाउनुलाई अचम्म मान्दै आवश्यक अनुसन्धान थालिसकेको बताएको छ ।
यसअघि डिएसपी कञ्चन थापाले पनि आफैंले गोली प्रहार गरेर आत्महत्या गरेका थिए ।
टिप्पणीहरू