यी हुन् हेलिकोप्टर दुर्घटनामा मारिएका जर्नेल

बुधबार दक्षिण भारतको तमिलनाडुमा भएको हेलिकोप्टर दुर्घटनामा भारतीय सेनाका प्रथम चिफ अफ डिफेन्स स्टाफ (सिडिएस) विपिन रावतसहित १३ जनाको निधन भएको छ । मारिनेमा रावतकी श्रीमतीबाहेक अरु सबै सेनाको विभिन्न दर्जाका अधिकारी र कर्मचारीहरु हुन् ।

उक्त दुर्घटनामा एक जना बिग्रेडियर जर्नेल पनि मारिएका छन् । उनी दोस्रो पुस्ताका वरिष्ठ अधिकृत थिए । सैनिक स्रोतले उनी छिट्टै मेजर जनरलमा बढुवा हुने लाइनमा रहेको बताएको छ ।

एलएस लिड्डर सिडिएस रावतका सुरक्षा सहायकको रुपमा कार्यरत थिए । उनकी श्रीमती गीतिका विद्यालयकी शिक्षिका हुन् भने उनीहरुका १६ वर्षीया छोरी पनि छन् ।

लिड्डरका पिता मेहंगा सिंह पनि सेनामा कर्नेल थिए । उनी पञ्जाबी हुन् । यसवीच भारत सरकारले वायुसेवाका एअरमार्शल मानवेन्द्र सिंहको नेतृत्वमा उक्त दुर्घटनाको छानवीन टोली गठन गरेको छ ।