युवा खेलाडीको भरमा सबै क्लबले ‘ए’ डिभिजन लिग खेल्दै « Jana Aastha News Online
Logo
४ माघ २०७८, मंगलवार
|  Tue Jan 18 2022

युवा खेलाडीको भरमा सबै क्लबले ‘ए’ डिभिजन लिग खेल्दै

प्रकाशित मिति :  ३ मंसिर २०७८, शुक्रबार १६:३०


नेपाली फुटबलको मेरुदण्ड मानिने सहिद स्मारक ‘ए’ डिभिजन लिगको नयाँ संस्करण भोलिबाट शुरु हुँदैछ ।

केही क्लबले राष्ट्रिय टोलीका खेलाडीलाई समावेश गर्दै उपाधी लक्ष्य बनाएका छन् भने केही टोली युवा खेलाडीको भरमा ‘ए’ डिभिजन लिग खेल्दैछन् भने धेरैजसो क्लबको लक्ष्य उपाधी रहेको छ । पहिलो खेल भोलि यस वर्षको सिजनमा बढुवा भएको टोली सातदोबाटो युथ क्लबले फ्रेन्ड्स क्लबसँग खेल्दै लिगको शुरुआत गर्दा नयाँ सिजनको सहिदस्मारक ‘ए’ डिभिजन लिग पनि आरम्भ हुनेछ ।

सहभागी सबैजसो क्लबले आफ्नो टोलीमा युवा टोलीको बाहुल्यता रहेको भन्दै युवा खेलाडीको जोशमा नयाँ सिजनको लिग खेल्ने बताएका हुन् । त्रिपुरेश्वरस्थित दशरथ रंगशालामा आयोजना हुने उद्घाटन खेल फ्लड लाइटमा हुँदैछ ।

लिग शुरु हुन पूर्वअखिल नेपाल फुटबल संघ एन्फाले लिगअघि आयोजना गरेको पत्रकार सम्मेलनमा सहभागी सबै क्लबले राम्रो नतिजाका लागि खेल्ने बताएका छन् । शुरुआती दुई चरणका लागि जारी गरेको तालिकाअनुसार उद्घाटन पछिका खेल पनि सबै दशरथ रंगशालामा आयोजना हुँदैछन् ।

दिनमा दुई खेल हुने प्रतियोगिताको पहिलो खेल दिनको १ बजे हुनेछ भने दोस्रो खेल पौने ५ बजे शुरु हुनेछ । दिनको दोस्रो खेल सबै फ्लड लाईटमा खेलाइने एन्फाले यसअघि नै जानकारी गराएको छ ।

१४ टोलीले सहभागिता जनाएको सहिद स्मारक ‘ए’ डिभिजन लिगमा कुल ९१ खेल हुँदै छन् । लिगको पुछारका दुई टिम रेलिगेसनमा रहँदै ‘बी’ डिभिजनमा घटुवा हुनेछन् । लिगको बिजेताले ७५ लाख रुपैयाँ हात पार्नेछ भने उपविजेताले ५० लाख रुपैयाँ र तेस्रो हुने टोलीले २५ लाख रुपैयाँ पाउनेछ ।

यस्तै हरेक खेलको बिजेताले ५० हजार पाउनेछ भने बराबरीमा खेल सकिए दुबै टोलीले २५÷२५ हजार रुपैयाँ प्राप्त गर्नेछन् ।


प्रतिक्रिया दिनुहोस !