विराटनगर उच्चमा न्यायाधीश श्रेष्ठले गरे रेकर्ड ‘ब्रेक’ दुई बर्ष पुराना मुद्दा शून्य

उच्च अदालतका विराटनगरका मुख्य न्यायाधीश तिलप्रसाद श्रेष्ठले मुद्दा फछ्र्योटमा इतिहास रचेका छन् । श्रेष्ठले यस आर्थिक बर्षमा एक्लै सात सय तीन थान मुद्दाको छिनोफानो गर्न सफल भएका छन् ।

उनी संलग्न इजलासले आर्थिक वर्ष २०७७/७८ मा सात सय तीन वटा मुद्दा छिनेका हुन् । संभवतः देशैभरका उच्च अदालतमध्ये यस बर्षको सर्बाधिक रेकर्ड हो । यस आर्थिक बर्षमा श्रेष्ठ नेतृत्वको विराटनगर उच्च अदालतले दुई वर्ष अवधि नाघेका मुद्दाको संख्यासमेत शून्यमा पु¥याएका छन् ।

आर्थिक वर्ष ०७७/०७८ मा विराटनगर उच्च अदालतले कूल मुद्दाको ५८ प्रतिशत मुद्दाको टुंगो लगाएको छ । यस अदालतमा अघिल्लो आर्थिक बर्षबाट एक हजार ६ सय ७० वटा मुद्दा जिम्मेवारी सरेर आएका थिए ।

नयाँ दर्ता भएका र पुराना गरी कूल तीन हजार ६ सय ६१ वटा मुद्दा थिए । ति मध्ये यस आर्थिक बर्षमा दुई हजार एक सय आठ वटा मुद्दा छिनिएको छ । यस अदालतको कामकारबाहीले सेवाग्राहीमा न्यायमा छिटोछरितो र पहुँचको आसा जगाएको छ ।

उच्च अदालत विराटनगरमा दुई वर्ष नाघेका मुद्दा एक सय ३३ मुद्दा रहेको उक्त अदालतले जनाएको छ । तर ति सबै मुद्दाको टुंगो लागेको छ ।

यस्तै उच्च अदालत विराटनगरकै न्यायाधीश मिलनकुमार राईले पाँच सय ३८ र न्यायाधीश तेजनारायण सिंह राईले पाँच सय चार वटा मुद्दा फछ्र्योट गरेको जनाइएको छ ।

उच्च अदालत विराटनगरमा निःशुल्क कानुनी सहायता कक्ष स्थापना, न्यायमा पहुँच अभिवृद्धि, पीडितहरूलाई क्षतिपूर्ति भराउने काममा तदारूकता, सांकेतिक भाषा र देभाषेहरूको व्यवस्था, कर्मचारीहरूलाई समय समयमा प्रशिक्षण दिइएकोे जनाइएको छ ।

यस्तै झगडियाहरूले घरमै बसेर तारेख लिन पाउने, फैसलाहरूको घरबाटै विद्युतीय जानकारी लिने तथा विद्युतीय टोकनको समेत व्यवस्था गरिएको छ ।