एमालेको बिभाजन बिबाद फेरि प्रधान न्यायाधीशकैमा

एमाले अध्यक्ष केपी शर्मा ओलीले सर्वोच्चमा दायर गरेको रिटको सुनुवाईका लागि प्रधानन्यायाधीश चोलेन्द्रसमशेर जबराले फेरि आफ्नै इजलास तोकेका छन् । रिट सुनुवाईका लागि पूर्ण इजलाशको आठौं नम्बरमा पेशी चढेको छ ।

गत १६ साउनमा निर्वाचन आयोग,प्रतिनिधिसभाका सभामुख अग्निप्रसाद सापकोटा, निर्वाचन आयोग र नेकपा समाजवादीका १४ सांसदविरुध्द सर्वोच्च अदालतमा वारेसमार्फत दायर रिटको सुनुवाईका लागि यस अघि सोमवार प्रधान्यायाधीश चोलेन्द्रसमशेर जबराले आफ्नै इजलासमा तोकेर हेर्न नभ्याइएका कारण आजका लागि पेसी सरेको थियो । ओलीले दायर गर्नुभएको रिटमा तत्कालीन एमालेले १४ सांसदलाई सिफारिस गरे पनि कारबाही नगरेको भन्दै सभामुख अग्नि सापकोटा,कारबाहीका लागि सिफारिस गरिएका १४ सांसदको सनाखत गरी पार्टी विभाजन गरेको भन्दै निर्वाचन आयोग र लुम्बिनी प्रदेशका सभामुख पूर्णप्रसाद घर्तीविरुद्ध पनि सांसद अजय शाही र विमला वलीलाई कारबाही नगरेको भन्दै उत्प्रेषण वा परमादेश मागिएको थियो ।

ओलीले दायर गर्नुभएको रिटको यसअघि न्यायाधीश मीरा खड्काको एकल इजलासमा पेशी तोकिएर बेन्च बस्न नभ्याएको कारण अस्ति सोमबारका लागि पेशी सरेको थियो ।

गत सोमबार प्रधानन्यायाधीश राणाकै इजलाशमा पेशी तोकिए पनि संयुक्त इजलाशमा प्रधानन्यायाधीश राणा व्यस्त भएका कारण हेर्न नभ्याई आजका लागि पेशी सरेको हो ।