मीरा श्रीमानले माधवविरुध्द ओलीको मुध्दा हेर्न नभ्याउने

माधव नेपाल नेतृत्वको एकीकृत समाजवादी पार्टी गठनका विरुद्ध एमाले अध्यक्ष केपी शर्मा ओलीले दर्ता गरेको रिटमाथिको सुनुवाई स्थगित भएको छ । आजका लागि पेशी चढेको मुध्दा न्यायाधीशको कार्यव्यस्तताका कारण सुनुवाई स्थगित भएको हो।

टिफिन अगाडि तेश्रो वरियताकी न्यायाधीश मीरा खड्का अर्का न्यायाधीश नहकुल सुवेदीसँगको सँयुक्त इजलासमा रहेको र लगत्तैको पेशीसमेत रहेकोले मुध्दा हेर्न नभ्याइनेमा जाने सर्वोच्च स्रोतले बताएको छ।

अध्यादेशमार्फत एमालेबाट नेकपा एकीकृत समाजवादी जन्मिएको र निर्वाचन आयोगले त्यसलाई कानूनी मान्यता दिएको भन्दै ओलीले भदौ १७ गते आयोग, प्रधानमन्त्री कार्यालय,सभामुख र एकीकृत समाजवादीलाई विपक्षी बनाएर रिट हाल्नुभएको थियो ।

ओलीले दायर गरेको ३ थान रीटमा उत्प्रेषणको आदेशद्वारा पार्टी दर्ता बदर गर्न माग गरिएको छ।