नेपालकै पुरानो बिस्कुट कम्पनीमा भीषण आगलागी, आगो निभाउन हेलिकोप्टरको प्रयोग
काठमाडौंको बालाजु औद्योगिक क्षेत्रभित्र रहेको नेबिको बिस्कुटको भवनमा गए रातिदेखि भीषण आगलागी भएको छ । रातभर ७ वटा दमकल र झण्डै १० वटा ट्याङ्करले आगो निभाउन प्रयास गरे पनि नसकेपछि बिहान हेलिकोप्टरको प्रयोग गरिएको थियो ।
आगलागी नियन्त्रणमा नेपाली सेनाका २ वटा, जुद्ध बारुण यन्त्रका २ वटा, नेपाल प्रहरी, भक्तपुर नगरपालिका, ललितपुर नगरपालिकाका एक एक वटा गरी ७ वट दमकलको प्रयोग गरिएको थियो ।
बिहानसम्म आगलागी नियन्त्रणमा आउन नसकेपछि हेलिकोप्टरबाट फोम खसालिएको थियो । आगलागीको कारण थाहा हुन सकेको छैन ।
नेबिको नेपालको सबैभन्दा पूरानो बिस्कुट कम्पनी हो । नेपाल बिस्कुट कम्पनीको छोटकरी रुप नै नेबिको हो ।
टिप्पणीहरू