यी हुन् एमाले मिलाउन कस्सिएका २६ भाइ

नेकपा एमालेको दुईपक्षीय विवाद झन झन चर्किंदै जान थालेपछि दुवैतिरका केही सांसदले पार्टी एकताका लागि सामूहिक दबाब बढाएका छन् । अध्यक्ष केपी ओली र वरिष्ठ नेता माधव नेपालबीच तिक्तता बढिरहेका बेला सांसदहरुले हिजो दिउँसो एक भेलाको आयोजना गरी ‘पार्टी आन्तरिक एकता सुदृढिकरण अभियान’ शुरु गरेका हुन् ।

विघटित कार्यदलका सदस्यहरुसंग छलफल गरी उनीहरुले १० बुँदे सहमति कार्यान्वयनमा सकारात्मक भूमिका खेल्न आग्रह गर्दै अपिलसमेत सार्वजनिक गरेका थिए ।

अभियानको नेतृत्व अध्यक्ष ओली पक्षबाट कृष्ण दाहाल र वरिष्ठ नेता नेपालका तर्फबाट यज्ञराज सुनुवारले गरेका छन् । अभियानमा दुवैतर्फबाट २६ सांसदले हस्ताक्षर गरेका छन् । जसमध्ये ७० प्रतिशत ओली पक्षका साँसदहरु छन् ।

अध्यक्ष ओलीमाथि एकताप्रति अनुदार भएको आरोप लागिरहेका बेला सो पक्षका सांसदहरुले दबाब बढाउन यस्तो अभियान थालेको बताएका छन् ।

यी हुन् एकता अभियानका २६ सांसद

डा.सूर्यप्रसाद पाठक (बाग्लुङ्ग-१)

पदम गिरी (पर्वत)

भुपेन्द्रबहादुर थापा (म्याग्दी-१)

गणेश पहाडी (सिन्धुली)

नारायणप्रसाद खतिवडा (नुवाकोट)

लालबाबु पण्डित (मोरंग-६)

सोमप्रसाद पाण्डे (पाल्पा-२)

झपटबहादुर रावल (कैलाली-२)

कृष्णभक्त पोखरेल (चितवन-२)
भूमि त्रिपाठी (धादिङ-१)

यज्ञबहादुर बोगटी (अछाम-२)

लीलानाथ श्रेष्ठ (सिराहा-३)

भैरवबहादुर सिंह (बझाङ)

नन्दलाल रोका (बाँके-३)

रविन्द्रराज शर्मा (दैलेख-१)

डा. दीपकप्रकाश भट्ट (कंचनपुर-३)

राजबहादुर बुढा (दैलेख-२)

ध्रुवकुमार शाही (सुर्खेत-१)

पवित्रा निरौला (खरेल) (झापा-२)

राजेन्द्र राई (धनकुटा)

जयकुमार राई (सुनसरी-१)

नवराज सिलवाल (ललितपुर-१)

खेमप्रसाद लोहनी (धादिङ-२)

गङ्गा चौधरी (दाङ)

शान्ति पाख्रिन (दोलखा)

एल पी साँवा लिम्बु (झापा-४)

भवानी खापुङ (तेर्हथुम)