बहादुर भवनमा नेताहरुको लर्को, ‘टाउको गिन्ती’ शुरु
पार्टीको आधिकारिकता विवादमा बहुमत परीक्षण (हेड काउन्ट) का लागि जनता समाजवादी पार्टी (जसपा) का कार्यकारिणी सदस्यहरु निर्वाचन आयोग पुगेका छन् ।
आधिकारिकतासम्बन्धी विवादमा ५१ सदस्यीय कार्यकारिणी समितिका सदस्यलाई हेड काउन्टका लागि आयोगले बोलाएपछि नेताहरु भर्खरै आयोग कार्यालय पुगेका हुन् । अहिले कार्यकारिणी समिति सदस्यहरुको सनाखत शुरु भएको छ ।
सनाखतका लागि दावीकर्ता उपेन्द्र यादवपक्ष र जवाफकर्ता महन्थ ठाकुर पक्षलाई अलग-अलग स्थान तोकिएको छ । सदस्यहरुले तोकिएको स्थानमा गई त्यहाँ राखिएको पुस्तिकामा हस्ताक्षर गर्नेछन् ।
सनाखतका लागि जसपा अध्यक्ष यादवसहितका नेताहरु पुगिसकेका छन् । त्यस्तै,अर्का अध्यक्ष महन्थ ठाकुर पक्षमा रहेका मनिष सुमन, उमाशंकर अरगरिया लगायतका नेताहरु पनि निर्वाचन आयोग परिसरमा देखिएका छन् ।
जसपाको आधिकारिकतासम्बन्धी विवादमा आजै निर्णय आउन सक्छ ।
टिप्पणीहरू