भारतीय नागरिकको शव टेकुमा अलपत्र, सरकार गुहार्दै अस्पताल

कोरोनाका कारण ज्यान गुमाएका एक जना भारतीय नागरिकको शव शुक्रराज ट्रपिकल तथा सरुवा रोग अस्पताल,टेकुमा अलपत्र परेको छ । बैशाख ७ गते कोरोना पोजेटिभ भएर अस्पताल भर्ना भएका ३८ वर्षीय सुनिल साहको १४ गते मृत्यु भएको अस्पताल प्रशासनले जनाएको छ । मृत्यु भएको दुई दिन बितिसक्दा पनि शव नउठेपछि अस्पतालले शव व्यवस्थापन गरिदिन हारगुहार गरेको हो ।

आज बिहानसम्म उक्त अस्पतालको आईसीयुमा २२ तथा आइसोलेशनमा ३८ जना गरी ६० जना कोरोना संक्रमितको उपचार भइरहेको छ । जसमध्ये १९ महिला तथा १४ जना पुरुष रहेको थाहा लागेको छ ।

आज बिहान मात्र अस्पतालमा ४ जना नयाँ संक्रमित भर्ना भएका छन् । भर्ना भएकाहरुमा ५० वर्षका नेत्रनाथ पौडेल,२९ वर्षका विकास राना,३२ वर्षका भविन्द्र घिमिरे तथा ४० वर्षकी अप्सरा कार्की रहेको अस्पताल प्रशासनले जनाएको छ ।