एलजीको भाले, सीजीको पोथी « Jana Aastha News Online
Logo
२१ मंसिर २०७८, मंगलवार
|  Tue Dec 7 2021

एलजीको भाले, सीजीको पोथी

प्रकाशित मिति :  २१ आश्विन २०७७, बुधबार १३:३५


चौधरी ग्रुप (सीजी ग्रुप) अन्तर्गत मानव स्रोत व्यवस्थापन (एचआरएम) विभागको प्रमुख रहेका एकजना कोरियन नागरिकले त्यहीँ कार्यरत वरिष्ठ तहकी नेपाली कर्मचारीलाई जिस्किँदा जिस्किँदै दुई जिउकी बनाइदिएपछि गाईंगुईं बाहिरिएको छ । गुपचुपमा कुरो मिलाउन भनिएपछि कोरियनले रन्किएर जागिर छाडेको बताइन्छ ।

ग्रुपको इलेक्ट्रोनिक सामान कारखाना र भण्डारण सबै सतुङ्गलमा छ । त्यहाँ एकथरि सामान सीजीको ब्राण्डमा तयार गरिन्छ भने अर्कोथरी कोरियन कम्पनी एलजीको नाममा समेत बनाउने गरिएको बताइन्छ ।

तर,वास्तविकताचाँहि चौधरी ग्रुपले धेरै अघिदेखि एलजी कोरियाको मुख्य डिलरसिप लिएको विषयसँग जोडिएको छ । अहिले त्यहि डिलरसिपलाई चीनमा उत्पादन हुने सस्तो एलजी इलेक्ट्रोनिक कम्पनीका सामानको कारोबारमा प्रयोग गरिएको ग्रुपमा कार्यरत असन्तुष्ट प्राविधिक तथा कर्मचारीहरूले बताएका छन् ।

बेला बेलामा एलजी कोरियाबाट हुने निरीक्षणको क्रममा चाँहि स्टोरमा राखिएका कोरियन एलजीका इलेक्ट्रोनिक्स सामानहरू नै डिस्प्ले गरिन्छ । एलजी डिलरसिपवापत कोरियन कम्पनीबाट प्राप्त हुने निश्चित रकमबाट सीजी इलेक्ट्रोनिक्सको सम्पूर्ण प्रशासनिक र सञ्चालन खर्चसमेत उठ्ने गरेको तिनै कर्मचारीहरूले दाबी गरेका छन् ।

उता,पाल्पा,सर्देवास्थित सीजी सिमेण्ट कारखानामा सतप्रतिशत भारतीय कामदार ल्याएर काम गराएको र स्थानीय कामदारलाई उपेक्षा गरेकोमा पनि स्थानीयले सीजी ग्रुपको व्यापक आलोचना गरेका छन् । कारखानामा झण्डै दुई हजार कामदार छन् ।


प्रतिक्रिया दिनुहोस !