टिकट टुंग्याउन एमालेले सचिवालय बोलायो
नेकपा एमालेले सचिवालय बैठक बोलाएको छ । आगामी प्रतिनिधि र प्रदेशसभा निर्वाचनका लागि उम्मेदवारको टुंगो लगाउन एमालेले बैठक बोलाएको हो । बैठक भोलि दिउँसो ३ बजेका लागि बोलाइएको उपमहासचिव विष्णु रिमालले जानकारी दिए ।
निर्वाचन आयोगले प्रत्यक्षतर्फ उम्मेदवारी मनोनयनका लागि तोकेको असोज २३ गतेको समय नजिकिँदै गर्दां एमालेले बैठक बोलाएको हो । बैठकमा तल्ला तहहरुबाट सिफारिस भएर आएका नामहरुबाट छलफल गरी टुंगोमा पुग्ने एमालेको तयारी छ ।
त्यस्तै विभिन्न दलहरुसँग चुनावी तालमेल गर्नेबारे समेत छलफल हुने जनाइएको छ ।
ट्रेन्डिङ पोस्ट
टिप्पणीहरू