क्रिप्टो कारोबारी अमित जेल चलान,करोडौं डलर अपचलनको प्रमाण फेला « Jana Aastha News Online
Logo
८ आश्विन २०७९, शनिबार
|  Sat Sep 24 2022
Logo
८ आश्विन २०७९, शनिबार
|  Sat Sep 24 2022

क्रिप्टो कारोबारी अमित जेल चलान,करोडौं डलर अपचलनको प्रमाण फेला

प्रकाशित मिति :  २४ श्रावण २०७९, मंगलवार २१:१६


क्रिप्टोकरेन्सी कारोबारबाट विदेशमा करोडौँको अवैध सम्पत्ति जम्मा गरेको आरोपमा पक्राउ परेका नुवाकोटका अमित श्रेष्ठलाई जेल चलान गरिएको छ । आज जिल्ला अदालत काठमाडौँले उनले गैरकानुनी कारोबार गरेको ठहर गर्दै पुर्पक्षका लागि डिल्लीबजार कारागार पठाउन आदेश दिएको हो ।

अष्ट्रेलिया,क्यानाडा र नेपालका विभिन्न बैंकमार्फत करोडौँको अवैध कारोबार गरेको आशंकामा पक्राउ परेका श्रेष्ठविरुद्ध नेपाल राष्ट्र बैंक ऐन,२०५८ सम्बन्धी कसूरमा मुद्दा दर्ता भएको थियो । उक्त मुद्दामा भएको सुनुवाईपछि आज अदालतले उनलाई दोषी ठहर गरेको हो ।

श्रेष्ठ गत असार २७ गते लाजिम्पाटबाट पक्राउ परेका थिए । प्रारम्भमा उनको साथबाट दुई वटा ल्यापटप र मोबाइल बरामद गरी प्रहरीले अनुसन्धान थालेको थियो । प्रारम्भिक अनुसन्धानमा शंकास्पद कारोबार खुल्न आएपछि प्रहरीले जिल्ला अदालतको अनुमतिमा म्याद थप गरी अनुसन्धान अगाडि बढाएको हो ।

“मोबाइल र ल्यापटप परीक्षणका लागि प्रहरीको डिजिटल फरेन्सिक ल्याबमा पठाई थप अनुसन्धान गर्ने क्रममा स्वदेश तथा विदेशका बैंकहरुमा श्रेष्ठको अस्वाभाविक कारोबार पुष्टि हुन आएको हो । “

अनुसन्धानका क्रममा प्रहरीले बरामद भएका मोबाइल र ल्यापटप परीक्षणका लागि प्रहरीको डिजिटल फरेन्सिक ल्याबमा पठाई थप अनुसन्धान गर्ने क्रममा स्वदेश तथा विदेशका बैंकहरुमा श्रेष्ठको अस्वाभाविक कारोबार पुष्टि हुन आएको हो ।

प्रहरीका अनुसार फरेन्सिक प्रतिवेदनमा कमन–वेल्थ बैंक अफ अष्ट्रेलियामा श्रेष्ठको नाममा रहेको खाताबाट १ लाख ९४ हजार २८५ डलर रकम कारोबार भएको खुलेको छ । रोयल बैंक अफ क्यानाडामा १८ लाख ७४ हजार ४२१ डलर नगद र शेयर कारोबार पनि देखिएको छ ।

त्यस्तै,नेपालमा एभरेष्ट बैंकमा रहेको उनको खाताबाट दुई करोड छ लाख छ हजार छ सय र एनआईसी एशिया बैंकको खाताबाट ६५ लाख चौबीस हजार नौ सय नेपाली रुपैयाँ नगदसहित विभिन्न कम्पनीमा सेयर लगानी भेटिएको प्रहरीले जनाएको छ । काठमाडौँको कलंकी, लाजिम्पाट र पानीपोखरीमा करोडौँको अपार्टमेन्ट र जग्गा जमिन गरी करिब साढे चार लाख डलर बराबरको सम्पत्ति श्रेष्ठको नाममा रहेको छ ।

अमित श्रेष्ठकाे थप कर्मकाण्डबारे जनआस्थामा गत वर्ष प्रकाशित दुई रिपाेर्ट हेर्नुहाेस्

भिआइपी युवती बैँकिङ्ग ठगीमा पक्राउ

भीआईपी युवती छुटिन्, नुवाकोटे केटो ६ करोडमा डुब्यो


प्रतिक्रिया दिनुहोस !