ट्रिपरको ठक्करबाट स्कुटर चालकको मृत्यु, स्थानीयको बिरोध
दुई साताअघि ट्रिपरको ठक्करबाट घाइते स्कुटर चालकको उपचारको क्रममा हिजो राति निधन भएपछि स्थानीयले बिरोध गरेका छन् । थानकोट चित्लाङ सडक खण्डअन्तर्गत गोदाम चोकमा असार २६ गते उक्त दुर्घटना भएको थियो ।
ट्रिफरको ठक्करबाट प्रदेश नम्बर ३–०२०१५ प ००५८ नम्बरको स्कुटर चालक स्थानीय ३१ को सुचिन्द्र श्रेष्ठको हिजो राति ललितपुरको मेडिसिटि अस्पतालमा उपचारको क्रममा मृत्यु भएको हो । आज बिहान उनका आफन्तले उचित क्षेतिपूर्ती माग गर्दै कलंकी–नागढुङ्गा सडकखण्ड अन्तर्गत त्रिभुवनपार्क नजिक केही बेर सडक अबरुद्ध गराएका हुन् ।
स्थानीयले सडक अवरुद्ध बनाउने कार्य जारी राखेपछि प्रहरी वृत्त थानकोटबाट ४० जना, प्रहरी प्रभाग नागढुङ्गाबाट १५ जना, स्वयम्भुबाट १५ जना र सशस्त्र प्रहरी बल निलबाराही गणबाट ३५ जना गरी १ सय ५ जनाको टोलीले बल प्रयोग गरेपछि यातायात सुचारु भएको बताइन्छ ।
सडक खुलेपछि मृतकका आफन्त र ट्रिपर मालिकबीच प्रहरी वृतमा छलफलमा गर्ने भनिए पनि अबेरसम्म छलफल हुन नसकेको जानकारी प्राप्त भएको छ ।
टिप्पणीहरू