कन्सुलरको दाबी झुठो, पत्र बाहिरियाे

पोल्याण्डको वार्सास्थित नेपाली कन्सुलर डा.बोधराज सुवेदीले एक पर्वतारोही पोलिस नागरिकलाई कर छुटका लागि जर्मनीस्थित नेपाली दूतावासलाई जानकारी नगराइ पत्र लेखेको पुष्टि भएको छ । उनले सोझै परराष्ट्र मन्त्रालयलाई लेखेको पत्र जनआस्थाले फेला पारेको छ । 

जसअनुसार उनले सन् २०२५ मे २९ मा पत्र पठाएको देखिन्छ । सामान्यतयाः नेपाली कन्सुलरहरुले दूतावासमार्फत् मात्र परराष्ट्र मन्त्रालयलाई पत्राचार तथा सिफारिस गर्ने प्रचलन छ । तर, डा.सुवेदीले राजदूतावासलाई लत्याएर मन्त्रालयलाई पत्राचार गरेका थिए । जनआस्था डटकमले यो विषयमा पुस १६ गते ‘शिविर रोक्न एमालेनिकट प्रवासी मञ्चका अध्यक्षको जोड’ शीर्षकमा समाचार प्रकाशित गरेको थियो ।

त्यसपछि वाणिज्यदूतावासले समाचारप्रति ध्यानाकर्षण जनाउँदै कसैलाई पनि कर छुटका लागि मन्त्रालयमा सिफारिस नगरेको दाबी गरेको थियो । जनआस्थाले वाणिज्यदूतावासकै लेटरप्याडमा डा.सुवेदीको हस्ताक्षरसहितको पत्र फेला पारेको छ । यता, उनलाई पदबाट निष्काशन गर्न माग गर्दै प्रधानमन्त्री तथा मन्त्रिपरिषद्को कार्यालय र परराष्ट्रमा उजुरी पनि परेको खुलेको छ । 

इन्टरनेसनल ईन्टिलिजेन्स ब्यूरोले मानव तस्करीको आरोप लागेका उनलाई निष्काशन गर्न माग गर्दै २०७९ माघ २४ गते प्रधानमन्त्री कार्यालयमा उजुर गरेको थियो । जनसम्पर्क समिति, पोल्याण्डले २०७९ चैत ४ गते विवादित व्यक्तिलाई पोल्याण्डको कन्सुलरमा सिफारिस रोक्न आग्रह गर्दै निवेदन दर्ता गरेको थियो ।

याे पनि....

शिविर रोक्न एमालेनिकट प्रवासी मञ्चका अध्यक्षको जोड

कर छुट सिफारिसबारे वाणिज्यदूतावासको छुट्टै दाबी