सभामुखलाई औंला ठड्याउँदै संसदबाट निस्किइन् सुमना

सभामुख देवराज घिमिरेले आफूलाई बोल्ने समय उपलब्ध नगराएको आरोप लगाउँदै राष्ट्रिय स्वतन्त्र पार्टी (रास्वपा) की सांसद सुमना श्रेष्ठ प्रतिनिधि सभाको बैठक कक्षबाट बाहिरिएकी छन् ।

आकस्मिक समयमा आफूलाई बोल्न सभामुखले समय नदिएको उनको आरोप छ । सभामुखले पटक पटक समय लिएर बोल्न पाइने भन्दै नियमावलीबारे सम्झाउने कोशिस गर्नुभएको थियो । तर, शुन्य समय शुरु हुन लागेपछि उनले पहिले टेबल ठटाइन् । त्यसपछि सभामुखप्रति औंला ठड्याउँदै बाहिर निस्केकी हुन् ।

आजको बैठकमा उनकै पार्टीका सांसद मनिष झाले बोलेका थिए ।