थाइ एयरवेजले गर्यो वायुसेवा निगमसँग ग्राउण्ड ह्याडलिङ्ग सम्झौता

त्रिभुवन अन्तर्राष्ट्रिय विमानस्थलमा लामो समयदेखि आफ्ना उडानको सेल्फ ह्याण्डलिङ्ग गर्दै आएको थाइ एयरवेजले नेपाल वायुसेवा निगमसँग ग्राउण्ड ह्याण्डलिङ्ग सेवा लिन थालेको छ । निगम र थाई एयरवेजबीच ग्राउण्ड ह्याण्डलिङ्ग सेवासम्बन्धी सम्झौता भएको जनाइएको छ ।

ग्राउण्ड ह्याण्डलिङ्ग सेवालाई थप व्यवस्थित बनाउन एयरवेजले ग्राउण्ड ह्याण्डलिङ्गसँग सम्बन्धित ८० थान सामग्री समेत निगमलाई प्रदान गरेको वायुसेवा निगमका प्रवक्ता रमेश पौडेलले बताए । ती सामान निगमको स्वामित्वमा रहने गरी कार्यकारी अध्यक्ष युवराज अधिकारी र थाई एयरवेजका वेष्टर्न एण्ड मिडिल इष्ट मामिला प्रमुख नारिन्तोर्न सुक्कासियमले समझदारी पत्रमा हस्ताक्षर गरेका हुन् ।

निगमले गर्ने ग्राउण्ड ह्याण्डलिङ्ग सेवा आइएटिए सेल्फी अडिट फर ग्राउण्ड अपरेशनल (आइएसएजीओ) प्रमाणित भएको समेत निगमले आज प्रकाशित प्रेस विज्ञप्तिमा जनाएको छ ।