सेन्ट्रल अफ्रिकाबाट आएको इथियोपिन एअरलाइन्सको विमान राति सुडान प्रस्थान

संयुक्त राष्ट्रसंघको शान्ति सेनामा तैनाथ नेपाली सैनिक टोली बोकेर हिजो अपरान्ह आएको इथियोपियन एअरलाइन्सको विमान राति फर्केको छ । हिजो अपरान्ह साढे ४ बजे काठमाडौं आइपुगेको उक्त विमानमा सेन्ट्रल अफ्रिकाबाट कालिजंग गण शान्ति सेनाको पहिलो डफ्फाबाट मिसन पूरा गरेर २२४ जना आएको बताइएको छ । 

उक्त उडानमा प्रमुख सेनानी विजय बस्नेतको कमाण्डमा मिसन पूरा गरेका २२४ जनासँगै बिदामा आएका अन्य तीन जना पनि छन् । सोही विमान गएराति २ बजे काठमाडौंबाट साउथ सुडान फर्केको छ । सेनाको अरिदमन गण शान्ति सेनाको दशौं डफ्फामा कार्यरत फौजका २१२ जना सुडानमा तैनाथ शान्ति सेनामा सहभागी हुन गएका हुन् । 

सेनानी रामचन्द्र भण्डारीको कमाण्डमा २१२ जना र घरबिदामा आएका अन्य १० जनासमेत कुल २२२ जना साउथ सुडानको जुवा गएको बताइएको छ ।