चिकित्सक संघको तेस्रो स्वास्थ्य शिखर सम्मेलन स्थगित

नेपाल चिकित्सक संघको तेस्रो राष्ट्रिय स्वास्थ्य शिखर सम्मेलन स्थगित भएको छ । भोलि र पर्सि काठमाडौंको बबरमहलस्थित कार्की ब्याङ्क्वेटमा हुने भनिएको सम्मेलन स्थगित गरिएको हो । 

‘विशेष कारणबस मिति २०८० असोज १२ र १३ गते हुने भनिएको नेपाल चिकित्सक संघको तेस्रो राष्ट्रिय स्वास्थ्य शिखर सम्मेलन हाललाई अर्को सूचना सार्वजनिक नभएसम्मका लागि स्थगित गरिएको’, संघले जारी गरेको सूचनामा उल्लेख छ । 

संघले केही दिनअघि पत्रकार सम्मेलन गर्दै स्वास्थ्य सम्मेलनबारे जानकारी गराएको थियो । उक्त सम्मेलनमा ६ वटा विधामा छलफल गरिने तय भइसकेकोमा अन्तिम समयमा सम्मेलन स्थगित भएको हो ।