बेइजिङ ओलम्पिकमा जान रुसी राष्ट्रपतिको आह्वान « Jana Aastha News Online
Logo
४ माघ २०७८, मंगलवार
|  Tue Jan 18 2022

बेइजिङ ओलम्पिकमा जान रुसी राष्ट्रपतिको आह्वान

प्रकाशित मिति :  ३ पुष २०७८, शनिबार १९:३०


रुसी राष्ट्रपति भ्लादिमिर पुटिनले आगामी फेब्रुअरीमा चीनको राजधानी बेइजिङमा हुन लागेको हिउँदे ओलम्पिकमा सहभागी हुन विश्वका सबै राष्ट्रलाई आह्वान गर्नुभएको छ । उहाँले गत साता भएको चिनियाँ राष्ट्रपतिसँगको भिडियो वार्तापछि उक्त आह्वान गर्नुभएको हो ।

पुटिनको उक्त धारणापछि प्रतियोगिताको उद्घाटन समारोहमा उहाँ बेइजिङ पुग्ने अड्कल गरिएको छ । हिउँदे ओलम्पिक आगामी फेब्रुअरी ४ देखि २० तारिखसम्म बेइजिङमा हुँदैछ ।

अमेरिकाले उक्त प्रतियोगिताबारे नकारात्मक धारणा सार्वजनिक गरिरहेको बेला रुसी राष्ट्रपतिको पछिल्लो भनाइ सार्वजनिक भएको हो ।


प्रतिक्रिया दिनुहोस !