अफगानिस्तानमा विश्वकै ठूलो मानवीय संकट आउने राष्ट्रसंघीय चेतावनी
खाद्यान्नको चरम अभावले अफगानिस्तानमा विश्वको सबैभन्दा खराब मानवीय संकट आउन लागेको संयुक्त राष्ट्रसंघले चेतावनी दिएको छ । संयुक्त राष्ट्रसंघको विश्व खाद्य कार्यक्रमले अफगानिस्तान इथियोपिया, दक्षिण सुडान, सिरिया र यमनलगायतका देशलाई उछिन्दै विश्वको सबैभन्दा ठूलो मानवीय संकट उत्पन्न भएको देश बन्नसक्ने चेतावनी दिएको हो ।
पछिल्लो आईपीसी मूल्याङ्कन (एकीकृत खाद्य सुरक्षा चरण वर्गीकरण) खाद्य असुरक्षाको मूल्याङ्कन गर्ने एक विश्वव्यापी मानकमा आधारित प्रतिवेदनमा जाडो मौसम शुरु हुँदै गर्दा खाद्यान्न अभावका कारण २ करोड २० लाख अफगान नागरिकले तीब्र जोखिमको सामना गर्नु पर्ने र ८० लाखले भोकमरीको आपतकालीन सामना गर्नु पर्ने जनाइएको छ ।यस्तै राष्ट्रसंघले १० लाख बालबालिका छिट्टै नै गम्भीर कुपोषणको जोखिममा रहेको उल्लेख गर्दै २० लाखभन्दा बढी मध्यमखालको कुपोषणको जोखिममा रहेको पनि चेतावनी दिएको छ ।
टिप्पणीहरू