काठमाडौंमा चाडपर्वलक्ष्यित खोप कार्यक्रम शुरु « Jana Aastha News Online
Logo
११ कार्तिक २०७८, बिहीबार
|  Thu Oct 28 2021

काठमाडौंमा चाडपर्वलक्ष्यित खोप कार्यक्रम शुरु

प्रकाशित मिति :  २२ आश्विन २०७८, शुक्रबार १८:४५


काठमाण्डौ महानगरपालिकाको स्वास्थ्य विभागका प्रमुख हरि कुँवरले दशैंलगायतका चाडपर्वलाई लक्षित गरेर १८ वर्षमाथि सबै उमेर समूहका नागरिकलाई भेरोसेल खोप लगाउने कार्यक्रम आजबाट शुरु गरिएको जानकारी दिनुभएको छ । ३ दिनसम्म चल्ने यो खोप महानगरपालिका अन्तरगत ३२ वटा वडाको ३४ स्थानबाट लगाउने व्यवस्था मिलाइएको छ ।

चाडपर्वका कारण भीडभाड हुने र कोभिड–१९ को पनि जोखिम बढ्ने भएकाले त्यसैलाई मध्यनजर राखेर खोप कार्यक्रम सन्चालनमा ल्याइएको महानगरले जनाएको छ । कुँवरले तत्कालका लागि ७० हजार खोप जिल्ला जनस्वास्थ्य कार्यालयबाट व्यवस्था गरिएको र त्यसले नपुगे थप खोपको व्यवस्था गरिने पनि बताउनु भयो ।

उहाँले पहिलो चरणको भेरोसेल खोप लगाउनेहरुलाई दशैं तिहारको बीचमा दोस्रो चरणको खोप लगाइने जानकारीसमेत दिनुभयो । परिचयपत्र नखुलेका नागरिकले वडा कार्यालयको सिफारिसमा खोप लगाउन पाउनेछन् ।


प्रतिक्रिया दिनुहोस !