संक्रमणका बिरामीले भरिन थाले काठमाण्डौंका अस्पताल,आज सात अस्पतालमा छैनन् बिरामी

कोरोना महामारीको संक्रमण बढिरहेका बेला केही समय शून्य संख्यामा बिरामी रहेको बताउने काठमाण्डौंका अस्पतालहरु फेरि भरिन थालेका छन् । आज प्राप्त तथ्याङ्कका आधारमा काठमाण्डौं जिल्लाका सात अस्पताल तथा आइसोलेशन सेन्टरमा कोरोनाका बिरामी नरहेको पाइएको छ । यसअघि एघार अस्पताल कोरोनाका बिरामी मुक्त थिए ।

आज यति अस्पताल,ज्योती अस्पताल,बुद्ध माई अस्पताल, कीर्तिपुरको जेष्ठ नागरिक भवनमा रहेको आइसोलेशन सेन्टर , कीर्तिपुर नयाँ बजार कभर्डहलमा रहेको आइसोलेशन सेन्टर, दक्षिणकाली नगरपालिका अन्तर्गत मनमोहन स्मृति सामुदायिक अस्पताल,नागार्जुन नगरपालिकाको इचङ्गुस्थित शहरी विकासको माथिलो भवनमा रहेको आइसोलेशन सेन्टरमा कोरोनाका बिरामी नभएको बताइएको छ ।

त्यस्तै,कीर्तिपुर मोडर्न अस्पतालमा १,आयुर्वेदिक अस्पतालमा १ सय २९,बयोधा अस्पतालमा २, राजधानी अस्पतालमा १, नेशनल अस्पतालमा ५, सहिद मेमोरियल अस्पतालमा २, मनमोहन मेमोरियल अस्पतालमा ९, ब्लु क्रस अस्पतालमा २, शुक्रराज ट्रपिकल अस्पतालमा ७१,वीरेन्द्र सैनिक अस्पतालमा १ सय १५, चाल्नाखेल स्वस्थ्यचौकीमा ४ तथा काठमाडौ महानगरपालिका वडा नं १५ ले तयार पारेको आइसोलेशनमा ५ जना संक्रमणका बिरामी रहेका छन् ।

त्यसैगरी,आज वीरेन्द्र सैनिक अस्पताल छाउनीमा २ तथा शुक्रराज ट्रपिकल अस्पताल टेकुमा १ जना गरी ३ जनाले ज्यान गुमाएको श्रोतले जनाएको छ ।