सिडियोहरुको सर्कुलर,कडा लकडाउन लाग्न सक्ने
कोरोना महामारीका कारण गत बैशाख १६ गतेदेखि जारी निषेधाज्ञा थप कडाइका साथ लैजान प्रमुख जिल्ला अधिकारीहरुले निर्देशन दिएका छन् ।
आज बैठक बसेर उपत्यकामा एक साता निषेधाज्ञा लम्ब्याउँदै प्रजिअहरुले पहिले भन्दा थप कडाइ गर्ने र महामारी बढ्दै गएमा लकडाउनसमेत गर्न सकिने बताएका छन् ।
आज जनआस्थासँग कुराकानी गर्दै जिल्ला प्रशासन कार्यालय ललितपुरका प्रमुख जिल्ला अधिकारी ढुण्डीप्रसाद निरौलाले सभा,सम्मेलन,धर्ना,जुलुस,गोष्ठी, र्याली,पूजा पाठ,हेल्थ क्लब,पार्टी,भोजभतेरजस्ता गतिविधि बन्द गर्ने,स्वास्थ्यका मापदण्ड पूर्ण रुपमा पालना गर्ने, अनुगमनलाई कडाइका साथ लैजाने बताउनुभएको हो ।
उहाँले बैठकमा कोरोना महामारी बढ्दै गएमा लकडाउन गर्नेसम्मको सिफारिस गरिएको बताउनुभयो ।
ट्रेन्डिङ पोस्ट
टिप्पणीहरू