युएईबाट २० जना नेपालीको उद्धार, २२ लाई निःशुल्क हवाई टिकट « Jana Aastha News Online
Logo
६ माघ २०७८, बिहीबार
|  Thu Jan 20 2022

युएईबाट २० जना नेपालीको उद्धार, २२ लाई निःशुल्क हवाई टिकट

प्रकाशित मिति :  ५ श्रावण २०७८, मंगलवार १७:३०


एनआरएनए युएईले विभिन्न समस्यामा परेका थप २० जना नेपालीको उद्धार गरेको छ । एक वर्ष अगाडिदेखि भिसा सकिएको, कामविहीन भएका, भिजिट भिसामा आएर समस्यामा परेका, विभिन्न कारण परेर आउट पास लिएर नेपाल फर्किनु पर्ने अवस्थाका २० नेपालीहरु आज नेपाल आइपुगेका छन् ।

नेपाल आएका सबैको होटेल क्वारेन्टाइनको व्यवस्थापन समेत एनआरएनएले नै गर्ने परियोजनाका संयोजक राजेन्द्रकुमार राउतले बताएका छन् ।

अन्तर्राष्ट्रिय हवाई उडान अवरुद्धहुँदा युएईमा समस्यामा परेका केही नेपालीलाई सोही अभियानअन्तर्गत जेठ ७ गते अबुधाबीको मफरकमा रहेको एक कम्पनीमा कार्यरत ८० जनालाई खाद्यान्न सहयोग गरिएको बताइएको छ । लगत्तै अबुधाबी, अलएन र दुबईमा चार समूहका १५ जना नेपाली कामदारलाई समेत खाद्यान्न वितरण गरिएको जानकारी दिइएको छ ।यसअघि असार ४ गते पनि एनआरएनए युएईले ३५ जना नेपालीको उद्धार गरेको थियो । युएईलगायत अन्य देशमा रोजगारीमा रहेको अवस्थामा श्रम सम्बन्धि समस्या उत्पन्न भएमा नेपाल फिर्तीको लागि निःशुल्क हवाई टिकट र अन्य सबै सेवाहरु प्रदान गरिने भएकाले एनआरएनएका विभिन्न देशमा रहेका पदाधिकारीलाई समेत सम्पर्क गर्न राउतले सुझाएका छन् ।

– रामप्रसाद ढुंगेल, दुबइ ।


प्रतिक्रिया दिनुहोस !