हत्तारिएर आउनुभएकी आरजु शपथमा कता हराउनुभो ? - Jana Aastha News Online Jana Aastha News Online
१७ श्रावण २०७८, आईतवार

हत्तारिएर आउनुभएकी आरजु शपथमा कता हराउनुभो ?



राष्ट्रपति कार्यालयको सूचनाका कारण उत्पन्न तनावका बीच पाँचौँ पटक मुलुकको प्रधानमन्त्री नियुक्त हुनुभएका शेरबहादुर देउवाले मंगलबार साँझ शीतलनिवासमा अढाई घण्टा ढिलो गरी शपथ लिनुभयो । उपराष्ट्रपति,सभामुख, राष्ट्रियसभा अध्यक्ष, पूर्वप्रधानमन्त्रीलगायतका विशिष्ट व्यक्तिहरुको उपस्थितिमा सम्पन्न शपथ समारोहमा ‘फर्स्ट लेडी’ अर्थात् देउवा पत्नी आरजु राणा भने देखिनुभएन ।

सामान्यतया यस्ता बिशेष र औपचारिक कार्यक्रममा फर्स्ट लेडीलाई छेउमा राख्ने प्रचलन छ । तर,मंगलबार साँझ शीतलनिवासमा आरजु कतै देखिनुभएन । उहाँको अनुपस्थितिलाई लिएर विभिन्न आशंका गर्न थालिएको छ । कतिपयले आरजु बिरामी भएको हुनसक्ने आँकलन गर्दा केहीले चैं नेपाल बाहिर रहेको अनुमान लगाएका छन् ।

जे-जे अनुमान गरिए पनि आरजु नेपालमै रहेको तथ्य खुलेको छ । उपचारका लागि जापान गएकोमा उहाँ जुन २६ तारिखको दिन टोकियोबाट नेपालका लागि उड्नुभएको थियो । नेपालमा राजनीतिक परिस्थिति फेरबदल हुँदैछ भन्ने जानकारी पाएरै उहाँ हत्तारिएर नेपाल आएको भन्नेहरु पनि छन् । कोरोना महामारीले बन्द भएका फ्लाइट पूर्णरुपमा नखुल्दै नेपाल आउनुभएकी आरजु मंगलबार साँझ शीतलनिवासमा नदेखिनुले बिरामी भएको अनुमान पनि छ ।

आरजू ठूलो शल्यक्रिया गरिएको कारण घरको तल्ला ओर्लन सक्ने अवस्थामा हुनुहुन्न । अझै केही समय उहाँलाई आरामीको जरुरत रहेकोे चिकित्सकहरुले बताएका छन् । त्यसै कारण पनि उहाँ मंगलबारको शपथमा नदेखिएको हुनसक्छ ।

बेलायत र जापानमा मात्र हिपको उपचार हुने भएकाले यसअघि आरजु जापान जानुभएको थियो । उहाँकी आमा प्रतिभा राणा जापानका लागि नेपाली राजदूत हुनुहुन्छ । सरकार फेरिनेबित्तिक्कै राजदूतलाई फिर्ता बोलाउने प्रचलन भए पनि केपी ओली सरकारले ६ महिना कार्यकाल थप गरेकाले प्रतिभा जापानमै हुनुहुन्छ ।

Tags :

प्रतिक्रिया दिनुहोस !

सम्बन्धित खबरहरु

एमसीसीको विरोधमा भोलि दिउँसो भरतपुरको चौबीसकोठीमा जुलुस र धर्ना हुने
जन्मजात आरक्षण आवश्यकता हो कि अधिकार ?
नेवार वस्ती जोगाउन फास्ट ट्र्याक खारेज ?
सिन्धुपाल्चोकको सौन्दर्यमा प्रकृतिको शत्रुता
 झम्सीखेल, ठाडोढुंगा, सानेपा, ललितपुर
+977 15541552 (Jana Aastha Weekly)
+977 15522551 (janaaastha.com)
[email protected]
POST BOX NUMBER: 6630
सूचना विभाग दर्ता नं. ८१४/२०७४/७५
आस्था प्रकाशन प्रालिको निम्ति
  अध्यक्ष : किशोर श्रेष्ठ
  सम्पादक : राजेन्द्र प्रसाद रिमाल
  प्रबन्ध सम्पादक : राजेन्द्र स्थापित
  कानूनी सल्लाहकार : बोर्णबहादुर कार्की
महत्वपूर्ण लिङ्कहरू
  • गृह पृष्ठ
  • हाम्रो बारेमा
  • युनिकोड
  • विज्ञापन
  • ई-पेपर
  • सम्पर्क
Add