माओवादी पार्टी खारेज गराउन बादलहरु बहादुर भवनमा « Jana Aastha News Online
Logo
१२ माघ २०७८, बुधबार
|  Wed Jan 26 2022
Logo
१२ माघ २०७८, बुधबार
|  Wed Jan 26 2022

माओवादी पार्टी खारेज गराउन बादलहरु बहादुर भवनमा

प्रकाशित मिति :  २३ असार २०७८, बुधबार १५:००


नेकपा माओवादी केन्द्र खारेजीको माग गर्दै नेकपा एमालेका अध्यक्ष केपी शर्मा ओली पक्षका नेताहरु केही बेरअघि कान्तिपथस्थित निर्वाचन आयोग पुगेका छन् ।

आयोग स्रोतका अनुसार माओवादी केन्द्रले कानुनबमोजिम तोकिएको समयमा गर्नुपर्ने महाधिवेशन आयोजना नगरेको भन्दै ओली पक्षका नेताहरुले पार्टी खारेजीको माग गरेका छन् । माओवादी केन्द्रले २०६९ सालपछि २०७४ सालमा गर्नुपर्ने महाधिवेशन हालसम्म नगरेकाले खारेजीको माग गरिएको हो ।

कानुनतः आयोगमा दर्ता भएका राजनीतिक दलहरुले पाँच वर्षको अन्तरालमा महाधिवेशन आयोजना गरेर नयाँ नेतृत्व चयन गर्नुपर्छ । नेकपा माओवादी केन्द्र अवैधानिक भएको जिकिरका साथ नेकपाका अधिवक्ता सरोज बुढाथोकी,केन्द्रीय सदस्य लीला थापा,रामचन्द्र मण्डललगायतत विघटित प्रतिनिधिसभाका केही सभासद आयोग पुगेका हुन् ।

त्यसो त एमालेको नवौं महाधिवेशन ०७० असारमा भृकुटीमण्डपमा सप्पन्न भएको पनि ७ बर्ष कटिसकेको छ । ०७५ मै दसौं महाधिवेशन भैसक्नुपर्ने हो ।

आयोग स्रोतका अनुसार माओवादी केन्द्रका पूर्व नेता तथा हाल एमाले स्थायी समिति सदस्य टोपबहादुर रायमाझीसमेत आयोग पुगेका छन् । बादल पनि जाने योजना हो ।


प्रतिक्रिया दिनुहोस !