छोराको पुस्तक किनेर घर फर्केका बाबुको ट्रकले हानेर मृत्यु

तनहुँमा छोराको किताब किनेर फर्कंदै गरेका बाबुलाई ट्रकले ठक्कर दिँदा घटनास्थलमै मृत्यु भएको छ ।

ना.६ ख ४४४७ नम्बरको ट्रकले ठक्कर दिँदा ३१ वर्षका दुर्गा भुजेलको दिउँसो पौने ३ बजे मृत्यु भएको हो ।

उनीसँगै किताब किन्न गएका छोरा साजनको भने दायाँ खुट्टामा चोट लागेको र स्थानीय हाडजोर्नी अस्पतालमा उपचार भइरहेको नेपाल प्रहरीका असई राजु न्यौपानेले जानकारी दिनुभयो ।

घटनापछि आक्रोशित स्थानीयले पृथ्वी राजमार्ग बन्द गरेका कारण अहिलेसम्म यातायात खुल्न सकेको छैन ।