निषेधाज्ञा उलङ्घन गर्ने १५ सय बढी सवारी साधन समातियो

कोरोना महामारीका कारण देशका विभिन्न जिल्लामा गरिएको निषेधाज्ञा तोड्ने १५ सयबढी सवारी साधन समातिएका छन् । निषेधाज्ञाको उलङ्घन गर्दै सडकमा निस्किएका ती सवारी साधन समातिएका हुन् ।

बिहानदेखि दिउँसो १ बजेसम्म १५ सय बढी सवारी साधनलाई प्रहरीले आफ्नो नियन्त्रणमा लिएको महानगरीय ट्राफिक प्रहरी परिसरका प्रवक्ता कृष्ण अधिकारिले जानकारी दिए ।

११ सय बढी दुई पाङ्ग्रे तथा ३ सय बढी चार पाङ्ग्रे सवारी साधनहरुले निषेधाज्ञा उल्लङ्घन गरेको प्रवक्ता अधिकारीले बताए । उनले उपत्यकाका ८१ ठाउँमा कडा चेकजाँच भइरहेको पनि बताएका छन् । साथै, महामारीको समयमा अत्यावश्यक बाहेक घरबाट बाहिर ननिस्कन उनले अनुरोधसमेत गरेका छन् ।

आजदेखि काठमाडौँ उपत्यकालगायत विभिन्न जिल्लामा निषेधाज्ञा लागू गरिएको छ । केही सवारी साधन नियन्त्रणमा लिनुका बाबजुद उपत्यकामा निषेधाज्ञाको प्रभाव परेको देखिएको छ । सार्वजनिक यातायात, पसल, स्कुल÷कलेज, व्यवसाय पूर्णरुपमा ठप्प छन् ।

निषेधाज्ञामा अत्यावश्यक सेवा भने खुला गरिएको छ ।