महारानीको अन्त्येष्टिमा हिथ्रो विमानस्थल ठप्प
बेलायतकी दिवंगत महारानी एलिजाबेथ द्वितीयाको शवयात्राका कारण हिजो राजधानी लण्डन वरिपरिको आकाशमा हवाई उडानमा प्रतिबन्ध लगाउँदा व्यस्त हिथ्रो विमानस्थल ठप्प भएको छ ।
बकिंघम प्यालेसबाट वेस्टमिनिस्टर हलसम्म महारानीको शव लैजान क्रममा सडक अवरुद्ध भएपछि उडानमा प्रतिबन्ध लगाइएको हो । विमानस्थलले जारी गरेको विज्ञप्तिमा भनिएको छ, ‘शवयात्राका समय हुनसक्ने सम्भावित होहल्लालाई रोक्न उडानलाई केही समय अवरुद्ध गर्नुपरेको हो ।’
बेलायतको ब्रिटिस एयरवेजले धेरै वटा उडान रद्द गरेको थियो । त्यसैगरी त्यहाँको नागरिक उड्डयन प्राधिकरणले गत १० दिनदेखि २५ सय फिट (७६० मिटर) भन्दा तल उड्ने ड्रोनलगायत गैरमानक विमानहरू माथि पनि प्रतिबन्ध लगाएको थियो ।
टिप्पणीहरू