राष्ट्र बैंकका कर्मचारीद्वारा माधव नेपालमाथि ‘चामल चोर’ को आरोप « Jana Aastha News Online
Logo
११ आश्विन २०७९, मंगलवार
|  Tue Sep 27 2022
Logo
११ आश्विन २०७९, मंगलवार
|  Tue Sep 27 2022

राष्ट्र बैंकका कर्मचारीद्वारा माधव नेपालमाथि ‘चामल चोर’ को आरोप

प्रकाशित मिति :  ३ आश्विन २०७९, सोमबार १३:००


नेपाल राष्ट्र बैंकका एक जना उपनिर्देशकले नेकपा एकीकृत समाजवादीका अध्यक्ष तथा पूर्व प्रधानमन्त्री माधवकुमार नेपालविरुध्द अपमानजनक शब्द प्रयोग गरेका छन् । राजनीतिक क्रियाकलापमा संलग्न हुन नपाइने बैंकको कर्मचारी सेवा विनियमावलीविरुध्द उनले नेपाललाई तुच्छ शब्दले गाली गरेर पूर्वप्रधानमन्त्रीको अपमान गरेका हुन् ।

उपनिर्देशक लक्ष्मी ताम्राकारले एमाले र पार्टी अध्यक्ष केपी शर्मा ओलीको चर्को गाली गरेको भन्दै नेपालको खोइरो खनेको उनी निकटस्थले बताए । राजनीतिक नेतृत्वले जुहारी खेले पनि सरकारी कर्मचारीले सामाजिक सञ्जाल रंगाउन नहुने कानुनी प्रावधान छ । त्यसमा पनि ताम्राकारले भूतपूर्व प्रधानमन्त्री नेपालविरुध्द तुच्छ शब्द र चोरको गम्भीर आरोप लगाएपछि बैंकभित्रै आलोचना भएको हो ।

अध्यक्ष नेपालले एमाले अध्यक्ष ओलीविरुध्द बोलेका कुरालाई एउटा अनलाइनले समाचार बनाएको थियो । सोही विषयलाई उल्लेख गर्दै त्यसको जवाफमा लक्ष्मीले पदीय मर्यादा,कर्मचारीको राजकीय सीमाको उल्लंघन गर्दै फेसबुक पृष्ठमा मनपरी लेखेका हुन् । गत शुक्रवार माधव नेपाललाई जवाफ दिँदै उनले लेखे, ‘तँलाई एकमुठी चामल चोरेर पनौतीमा भूमिगत हुँदा भात खुवाउने मान्छे नि अहिले जिउँदै छ । तैंले नि फूर्ति नलाए हुन्छ ।’

नेपालले ओलीलाई विगतमा दुई महिनासम्म भात खुवाएर पालेको उल्लेख गर्दै लेखिएको समाचारविरुध्द ताम्राकारले आफ्नो हैसियत बिर्सेर भूतपूर्व प्रधानमन्त्रीलाई उल्टै चामल चोरको आरोप लगाएका हुन् । उमेरको हिसाबले माधव नेपालको भूमिगत कालमा उनी जन्मिएकै थिएनन् । तर,माधव नेपालले एकमुठी चामल चोरेर भूमिगत भएको क्षण, पनौतीमा भात खुवाएको सन्दर्भ ताम्राकारले कसरी लेखे भन्ने विषय रहस्यमय भएको स्थानीयले समेत बताएका छन् ।

“कर्मचारीलाई शिष्ट भाषा,मर्यादा सिकाउनुपर्ने इकाइका उपनिर्देशकले नै सामाजिक सञ्जालमा प्रयोग गरेको अशिष्ट र असभ्य भाषाले सीमा नाघेको बैंकका एक जना कार्यकारी निर्देशकले स्वीकारे ।”

पनौती निवासी ताम्राकार बैंकको जनशक्ति व्यवस्थापन विभागअन्तर्गत बैंकर्स प्रशिक्षण केन्द्रमा कार्यरत छन् । कर्मचारीलाई शिष्ट भाषा,मर्यादा सिकाउनुपर्ने इकाइका उपनिर्देशकले नै सामाजिक सञ्जालमा प्रयोग गरेको अशिष्ट र असभ्य भाषाले सीमा नाघेको बैंकका एक जना कार्यकारी निर्देशकले स्वीकारे ।

उनले भने, ‘राजनीतिक तहमा चित्त नबुझेको कुरो कर्मचारीले बोल्न पाइन्न । सामाजिक सञ्जालमा मनपरी लेख्न त झन पाइन्न । लक्ष्मीको उक्त हर्कत अराजक हो ।’ उनका अनुसार ताम्राकारको पछिल्लो लेखाइमा साइबर क्राइम आकर्षित हुन्छ । राजनीतिक हैसियत जे जस्तो भए पनि मुलुकका प्रधानमन्त्री,मन्त्री वा संवैधानिक अंगको नेतृत्व गरिसकेका जो सुकैको आलोचना स्वस्थ तवरले गरिनुपर्ने उनको भनाइ छ ।

सर्वसाधारणको आलोचनामासमेत शिष्ट भाषा प्रयोग गरिनुपर्नेमा कसैको दुई मत छैन । तर कर्मचारीले त्यसतर्फ झन् बढी सजगता अपनाउनुपर्नेमा उनी राजनीतिक कार्यकर्ताभन्दा एक तह अघि बढेको पाइयो । बैंकको जनशक्ति व्यवस्थापन विभागमा यसबारे सोधनी गरिँदा अधिकांश हाकिम प्रतिक्रिया दिनबाट हच्किएका छन् ।

उनै लक्ष्मीले सामाजिक सञ्जालमा गभर्नर महाप्रसाद अधिकारीलगायतका हाकिमसँग तालिम कार्यक्रमका सहभागीलाई प्रमाणपत्र वितरण गरिँदाको फोटो सामाजिक सञ्जालमा पोष्ट गर्ने गरेका छन् । यस्ता अशिष्ट भाषा प्रयोग गर्नेले सहभागीलाई कस्तो शिक्षा दिए ? त्यो थप रोचक विषय हुने केन्द्रीय बैंकका कर्मचारीहरु बताउँछन् ।


प्रतिक्रिया दिनुहोस !