एनसेल बिक्री प्रकरणमा सोमबार श्रीमानको आदेश

निजी क्षेत्रको दूरसञ्चार संस्था एनसेलको सेयर खरिद–बिक्री तत्काल रोक्नुपर्ने माग गर्दै उच्च अदालत पाटनमा हालिएको निवेदनउपर अल्पकालीन अन्तरिम आदेश जारी भएको छ । गोकुलबहादुर रोकायाले दायर गरेको रिटमाथि सुनुवाइ गर्दै न्यायाधीश पुरुषोत्तमप्रसाद ढकालको एकल इजलासले उक्त आदेश दिएको हो ।

अल्पकालीन अन्तरिम आदेशमा कम्पनी रजिस्ट्रारको कार्यालय, त्रिपुरेश्वरलगायत निकायलाई आगामी सोमबारसम्म एनसेलको सेयर बिक्री रोक्न भनिएको छ ।

उक्त मितिसम्म  खरिद–बिक्री भएका एनसेलका सेयरहरु दर्ता किताबमा दर्ता नगर्न/नगराउन आदेश दिँदै अदालतले दुवै पक्षलाई मंसिर २५ गते अदालतमा उपस्थित हुन भनेको छ ।