प्रधानमन्त्रीपछि दुबई पुग्यो मन्त्री नेतृत्वको टोली

संयुक्त अरब इमिरेट्सको दुबईमा भइरहेको राष्ट्रसंघीय जलवायु परिवर्तन सम्बन्धी सम्मेलन (कोप २८) मा प्रधानमन्त्री पुष्पकमल दाहाल नेतृत्वको टोलीले सहभागिता जनाइरहेको छ । प्रधानमन्त्री दाहाल ३० जनाको टोलीको नेतृत्व गर्दै गत बुधबार साँझ त्यसतर्फ जानुभएको हो । 

सोही सम्मेलनमा सहभागिता जनाउन गएराति जलस्रोतमन्त्री शक्तिबहादुर बस्नेत नेतृत्वको टोली पनि त्यता गएको छ । तीन सदस्यीय टोली फ्लाई दुबईको उडान नम्बर एफजेड ५७४ मा राति साढे २ बजे काठमाडौंबाट दुबई गएको हो । 

टोलीमा ऊर्जा, जलस्रोत मन्त्रालयका सहसचिवद्वय नवीनराज सिंह, तोयानारायण सुवेदी र वैकल्पिक ऊर्जा प्रवद्र्धन केन्द्रका कार्यकारी निर्देशक नवराज ढकाल रहेको बताइन्छ ।