सरुले पाइन सर्वोत्कृष्ट चलचित्र गित अवार्ड

चौथो संस्करणको ‘नेपाल म्युजिक एण्ड फेसन अवार्ड–२०२३ ’को सर्वोत्कृष्ट चलचित्र गित अवार्ड गायिका सरु गौतमले प्राप्त गरेकी छिन् ।

काठमाडौमा आयोजित एक कार्यक्रमका बीच चर्चित लोक तथा आधुनिक गायिका गौतमलाई उक्त अवार्ड प्रदान गरिएको हो । चलचित्र दिलमायाको भाग-२ 'छुट्छ्की साथ' बोलको गीतबाट उनले सो अवार्ड हात पारेकी हुन् ।

'नेपाल म्युजिक एन्ड फेसन अवार्ड टिम' को आयोजनामा काठमाडौको कमल पोखरीस्थित रसियन हाउसमा अवार्ड तथा सम्मान कार्यक्रम आयोजना भएको थियो । 

गायिका गौतमको 'चम्चा पिलेट', 'कुटुकुटु मुटु खाइरहने', 'जाउन माया भागेर', ‘छुट्छ्की साथ’, ‘यो जुनिमा’, ‘फूल तिमी’  जस्ता गीतहरु बजारमा चर्चित छन् । काभ्रको रोशी स्थायी घर भएकी गौतम नेपाली आधुनिक तथा लोक दोहोरी संगीतमा सुपरिचित नाम हो ।