योगा उद्घाटन गर्न प्रधानमन्त्री खप्तड पुग्नुभयो
प्रधानमन्त्री पुष्पकमल दाहाल प्रचण्ड सुदूरपश्चिम प्रदेशको धार्मिक तथा पर्यटकीयस्थल खप्तडमा आयोजित प्रथम खप्तड अन्तर्राष्ट्रिय आध्यामिक योगा सम्मेलनको उद्घाटन गर्न त्यहाँ पुग्नुभएको छ ।
उहाँ बिहान हेलिकोप्टरमा त्यता जानुभएको हो । कार्यक्रममा पतञ्जलीका योगगुरु रामदेव, आचार्य बालकृष्ण, यौन शोषणको आरोप लागेका कृष्णदास महाराजलगायतको सहभागिता छ ।
सम्मेलनमा सहभागी हुन पूर्वप्रधानमन्त्रीहरु, प्रदेशका मुख्यमन्त्री तथा मन्त्रीहरुलाई आमन्त्रण गरिएको बताइएको छ । योगा कार्यक्रम पर्सिसम्म सञ्चालन हुने छ ।
खप्तड डोटी, अछाम, बझाङ र बाजुरा जिल्लामा फैलिएको छ । उक्त स्थानमा दशकौंअघि खप्तड बाबाले ध्यान र तपस्या गरेका थिए ।
ट्रेन्डिङ पोस्ट
टिप्पणीहरू