संवैधानिक आयोगहरु जागिर खाने थलो बन्यो : राष्ट्रिय सभाका अध्यक्ष

जन आस्था

चैत ७, २०७९

राष्ट्रिय सभाका अध्यक्ष गणेशप्रसाद तिमिल्सिनाले संवैधानिक आयोगहरु जागिर खाने थलो बन्दै गएको बताउनुभएको छ । उहाँले त्यस्ता आयोगहरुको कामकारबाहीप्रति असन्तुष्टि जनाउँदै स्थापनाको उद्देश्य विपरितका गतिविधि भएकोप्रति संकेत गर्नुभएको बताइएको छ ।

उहाँले भन्नुभयो, ‘आयोगलाई जागिर खाने थलो बनाउन थालियो । कुन बेला कुन हुन्छ र, म त्यहाँ जान्छु भन्नका लागि आयोग गठन भएको होइन ।’ मुस्लिम आयोग स्थापनाको उपलक्ष्यमा आयोजित कार्यक्रमलाई सम्बोधन गर्दे उहाँले उक्त असन्तुष्टि जनाउनुभएको हो ।

आयोगहरुले सिर्जनात्मक, रचनात्मक क्षमताका साथ दिइएका जिम्मेवारीहरु कुशलतापूर्वक पूरा गर्नुपर्ने उहाँको भनाइ छ । सरकारले आयोगहरुलाई न्यूनतम स्रोत, साधन उपलब्ध गराउनुपर्ने अध्यक्षको जोड छ ।

उहाँले भन्नुभयो, ‘संवैधानिक आयोगहरु अनन्त कालसम्मका लागि होइनन् । आवश्यकताबमोजिमका कार्य गर्दै जाने हो भने केही समयपछि ती आयोगको औचितय देखिँदैन ।’