चीनतर्फ उड्न लागेका नेपाली यात्रुको झोलाभरि विदेशी मुद्रा

काठमाडौंबाट चीनको ग्वाङ्झौ उड्न लागेका दुई जना नेपाली यात्रुको साथबाट ठूलो परिमाणमा विदेशी मुद्रा फेला परेको छ । दिउँसो १ बजे चाइना साउदर्नको उडान नम्बर सीजेट ६०६८ मा त्यसतर्फ जान लागेका रमिला थापा र आनन्द गुरुङको साथबाट २४ हजार अमेरिकी डलर, नौ हजार युरो र तीन हजार ४९९ चिनियाँ युआन प्रहरीले बरामद गरेको छ ।

रमिलाको साथबाट १६ हजार ५ सय अमेरिकी डलर, ७ हजार युरो र २ हजार ३०९ चिनियाँ युआन फेला परेको बताइएको छ । त्यसैगरी गुरुङ्गको साथबाट अमेरिकी डलर ७ हजार ५ स, युरो २ हजार र चिनियाँ युआन १ हजार १९० अवैध विदेशी मुद्रा फेला परेको हो ।

उनीहरु दुबै जनालाई विदेशी विनिमय ऐनअन्तर्गत विदेशी मुद्रा अपचलनको मुद्धा चलाउन राजश्व अनुसन्धान विभाग हरिहरभवन पठाइएको छ ।