कलंकी चोकमा मध्यराति मोटरसाइकल दुर्घटना,चालक ठहरै

गए राति कलंकी चोकमा भएको सडक दुर्घटनामा एक जना मोटरसाइकल चालकको ज्यान गएको छ । बा.२ ब ५४०१ नम्बरको मोटरसाइकललाई बा.४ ख ४८६३ नम्बरको ट्रिपरले ठक्कर दिँदा मोटरसाइकल चालकको मृत्यु भएको हो ।

मध्यरात मोटरसाइकलमा सवार दुई जनामध्ये चालकको स्थानीय सहिद मेमोरियल अस्पतालमा उपचारको क्रममा निधन भएको थियो । मृतक बझाङ फलरा घर भई ललितपुर बस्ने २४ वर्षका वसन्त बिष्ट हुन् । मृतकको शव राति नै पोस्टमार्टमको लागि शिक्षण अस्पताल महाराजगञ्ज लगिएको छ ।

मोटरसाइकल पछाडि बस्ने बझाङ चैनपुर घर भई हाल ललितपुरको धोबिघाट बस्ने वर्ष २६ को निखिल बमको काठमाडौ भ्याली अस्पतालको आईसीयुमा उपचार भइरहेको छ ।