राप्रपा चुनावमा,०४७ सालपछिका मन्त्रीको सम्पत्ति छानबिन गर्न माग « Jana Aastha News Online
Logo
३१ श्रावण २०७९, मंगलवार
|  Tue Aug 16 2022
Logo
३१ श्रावण २०७९, मंगलवार
|  Tue Aug 16 2022

राप्रपा चुनावमा,०४७ सालपछिका मन्त्रीको सम्पत्ति छानबिन गर्न माग

प्रकाशित मिति :  ३२ श्रावण २०७८, सोमबार २१:३०


राष्ट्रिय प्रजातन्त्र पार्टीले आगामी स्थानीय निर्वाचनमा अधिक तहमा विजयी हुने भन्दै विशेष कार्ययोजना लागू गर्ने भएको छ । उसको आज बसेको केन्द्रीय कार्य सम्पादन समिति बैठकले आगामी स्थानीय तहको निर्वाचनलाई लक्षित गर्दै विशेष कार्ययोजना कार्यान्वयनको निर्णय गरेको हो ।

त्यसैगरी आगामी कात्तिक २७ गतेदेखि काठमाडौंमा हुने राप्रपाको महाधिवेशन सफलतापूर्व सम्पन्न गर्न असोज १५ गतेभित्र प्रदेश अधिवेशन र असोज २० गतेभित्र महाधिवेशन प्रतिनिधि निर्वाचन गर्ने कार्यक्रम राखेको छ ।

अध्यक्ष कमल थापाको अध्यक्षतामा बसेको बैठकले फागुनमा हुने स्थानीय निर्वाचनअघि सबैलाई कोरोनाविरुद्धको खोप लगाउन सरकारसँग माग गरेको छ । त्यसैगरी, २०४७ सालपछि मन्त्री बनेका र उच्च तहमा पुगेका सबैको सम्पत्ति छानबिन गर्न उच्चस्तरीय न्यायिक आयोग गठन गर्न माग गरेको छ ।बैठकले अफगानिस्तानमा रहेका नेपालीको जीवन सुरक्षाको निम्ति आवश्यक व्यवस्था गर्न सरकारसँग माग गरेको छ । साथै,भूतपूर्व बेलायती सैनिकको जायज माग पूरा गरिदिन नेपाल सरकार र बेलायत सरकारलाई ध्यानाकर्षणसमेत गराएको छ ।


प्रतिक्रिया दिनुहोस !