पश्नपत्र लिक गर्ने दुई शिक्षक पक्राउ

कास्कीमा कक्षा १२ को परिक्षा सुरु हुनअघि पश्नपत्र लिक गर्ने दुई शिक्षक समातिएका छन् । पोखरा महानगरपालिका-११ का ३९ वर्षीय नारायण बास्तोला र ३७ वर्षीय रामचन्द्र बास्तोलालाई प्रहरीले पक्राउ गरेको हो । 

फूलबारीस्थित शिवशक्ति माध्यमिक विद्यालयमा आज सामाजिक शिक्षा विषयको परीक्षा सुरु हुनुअघि उनीहरुले पश्नपत्र आउट गरेका थिए । उनीहरुले प्रश्नपत्रको तस्वीर खिचेर विद्यार्थीहरूलाई पठाएको जिल्ला प्रहरी कार्यालय कास्कीका प्रवक्ता वसन्तकुमार शर्माले बताएका छन् । 

उनीहरुको साथबाट कक्षा १२ को उत्तर पुस्तिका ८ थान र मोबाइल ३ थान बरामद गरिएको छ । पक्राउ परेका शिक्षकमाथि कारवाही प्रक्रिया अघि बढाइएको प्रहरीले जनाएको छ ।