काँग्रेसी महिलाहरुले लगाए रत्नपार्कमा गृहमन्त्री विरोधी चर्का नारा

नेपाली काँग्रेसको भ्रातृ संगठन नेपाल महिला संघले उपप्रधान तथा गृहमन्त्री रवि लामिछानेविरुद्ध नाराबाजी गरेका छन् । उनीहरुले काठमाडौंको रत्नपार्कमा सहकारी बचतकर्ताहरुको बचत रकम फिर्ताको माग गर्दै आयोजना गरेको विरोध सभामा नारा लगाएका हुन् ।

संघले सहकारी समस्यालाई दीगो रूपमा समाधान गर्न र सहकारीको रकम दुरूपयोग गरेका ठगहरूलाई छानबिनको दायरामा ल्याउन माग गरेका छन् । महिला संघकी केन्द्रीय अध्यक्ष उषा रावतको नेतृत्वमा भएको प्रदर्शनमा गृहमन्त्री लामिछानेलाई सहकारी ठगको बिल्ला भिराइएको छ । उनीहरुले सहकारी ठग रवि लामिछाने राजीनामा दे, सहकारी पीडितहरुको रकम फिर्ता गर, नेपाली काँग्रेस जिन्दावादलगायत नारा लगाएका छन् ।