रुकुमबाट जाजरकोट जाँदै गरेको ट्याक्टर पल्टियो, दुई जनाको निधन
रुकुम ट्याक्टर दुर्घटना हुँदा दुई जनाको ज्यान गएको छ ।
आज दिउँसो भएको दुर्घटनामा आठबिसकोट नगरपालिका–१४ पिपलचौरका २२ वर्षीय विकाश खड्का र १८ वर्षीय हरि आचार्यले ज्यान गुमाएका हुन् ।
सोही नगरपालिका–१४, छेपारेस्थित आठबिसकोटबाट जाजरकोटतर्फ जाँदै गरेको ट्याक्टर सडकबाट डेढ सय मिटर तल खस्दा उनीहरुको घटनास्थलमै मृत्यु भएको प्रहरीले जनाएको छ ।
दुर्घटनामा अन्य तीन जना पनि घाइते भएका छन् । उनीहरुको हाल चौरजहारीस्थित मिसन अस्पतालमा उपचार भइरहेको प्रहरीले जानकारी दिएको छ ।
प्रहरीका अनुसार अहिलेसम्म ट्याक्टरको नम्बर खुलेको छैन । घटनाबारे थप अनुसन्धान भइरहेको छ ।
ट्रेन्डिङ पोस्ट
टिप्पणीहरू