विशेष अदालतमा प्रदिप अधिकारीको थुनछेक बहस

हेलिपोर्ट निर्माणमा घोटाला गरेको अभियोगमा भ्रष्टाचार मुद्दा चलाइएका नागरिक उड्डयन प्राधिकरणका महानिर्देशक प्रदीप अधिकारीको थुनछेक बहस शुरु भएको छ । 

विशेष अदालतका न्यायाधीशहरू विदुर कोइराला, हेमन्त रावल र डिल्लीराज श्रेष्ठको संयुक्त इजलासमा अहिले सुनुवाइ चलिरहेको छ । शुक्रबार न्यायाधीश नारायणप्रसाद पौडेलले हेर्न नमिल्नेमा राख्दै प्रतिवादीहरूलाई आज अदालतमा उपस्थित गराउन आदेश दिएका थिए ।  

अख्तियार दुरुपयोग अनुसन्धान आयोगले अधिकारीसहित सात जनालाई प्रतिवादी बनाएर बुधबार विशेषमा अभियोगपत्र दायर गरेको थियो । अभियोग पत्रमा १३ करोड ५७ लाख विगो र कैद सजायको मागदाबी लिइएको छ ।

यस प्रकरणमा चार जना फरार रहेको अख्तियारले जनाएको छ ।