मधेश सरकार गठनविरुद्ध सर्वोच्चमा रिट
आज बिहान छापामार शैलीमा भएको मधेश सरकार गठनविरुद्ध सर्वोच्च अदालतमा रिट परेको छ । अधिवक्ता द्वय रक्कीप्रसाद साह र सुजित यादवले रिट दर्ता गराएका हुन् ।
मधेश प्रदेश प्रमुखको कार्यालय र मुख्यमन्त्री कार्यालयलाई विपक्षी बनाइएको रिटमा प्रदेश प्रमुख सुमित्रा भण्डारीले संविधानको धारा १६८ उपधारा २ जीवित रहेको अवस्थामा पनि धारा ३ बमोजिम सरकार गठन गरेर असंवैधानिक कदम चालेकाे दावी गरिएकाे छ ।
प्रदेश प्रमुख भण्डारीले आज बिहानै बर्दिबासस्थित एक रेष्टुरेण्टमा एमाले संसदीय दलका नेता सरोजकुमार यादवलाई मुख्यमन्त्री नियुक्त गरेर सपथ खुवाएकी थिइन् । मुख्यमन्त्री नियुक्तिको विवादले यतिबेला मधेश अशान्त बनेको अवस्था छ ।
टिप्पणीहरू