डिआइजी ओमबहादुर राना विवादमा तानिए
सुदूरपश्चिम प्रदेश प्रहरी प्रमुख डिआइजी ओमबहादुर राना विवादमा तानिएका छन् ।
तालुकदार गृह मन्त्रालयको अनुमति नलिई एक असम्बन्धित व्यक्तिसँग सुटुक्क भारत गएको घटना सार्वजनिक भएपछि उनी विवादमा परेका हुन् ।
स्रोतका अनुसार इजरायलमा मारिएका विपिन जोशीको शव गृहजिल्ला ल्याएर अन्त्येष्टि गरेको दिन राना भारतस्थित उत्तराखण्डको बनबासा पुगेका थिए । यसबारे प्रहरी प्रधान कार्यालयले स्पष्टीकरणसमेत सोधिसकेको छ ।
यता भदौ २३ को जेनजी प्रदर्शन र भोलिपल्टको विध्वंशमा समेत रानाको बयान लिने तयारी छ । त्यतिबेला राना उपत्यका प्रहरी कार्यालयको निमित्त प्रमुख थिए ।
विवादित व्यक्तिसँग भारत पसेको विषयमा छानबिन गर्ने गृह मन्त्रालयको तयारी रहेको उच्च स्रोतले जानकारी दिएको छ ।
टिप्पणीहरू