विजया दशमीको साइत ११ बजेर ५३ मीनेट, टीका लगाउने पूर्व फर्किने

यस वर्ष विजया दशमीको टीकाको उत्तम साइत बिहान ११ बजेर ५३ मीनेट रहेको छ । असोज १६ गते ११ बजेर ५३ मीनेटमा टीकाको उत्तम साइत रहेको नेपाल पञ्चाङ्ग निर्णायक विकास समितिले जनाएको छ । 

उक्त दिनको टीका पूर्व मोहडा फर्किएर लगाउनुपर्नेछ । असोज ६ गतेदेखि शुरु हुने दशैंको पहिलो दिन घटस्थापनाको शुभसाइत बिहान ९ बजेर १३ मीनेट रहेको छ । असोज ७ बजे बिहान ९ बजेर ५३ मीनेटमा झण्डा फेर्ने र असोज ११ गते श्रीपचलीभैरव यात्रा निकालिने छ । 

असोज १३ गते फूलपाती, असोज १४ गते महाष्टमी र असोज १५ गते महानवमी परेको छ । असोज २० गते अखिलबलिपूर्ति र कोजाग्रत पूर्णिमा रहेको समितिले जनाएको छ ।